Yəqin ki, kruiz turu bütün səyahət sevərlərin bir gün təcrübə etmək istədiyi səyahət növüdür. Kruiz yeni yerləri kəşf etmək, dincəlmək və əylənmək istəyənlər üçün unikal və maraqlı səyahət üsuludur. İlk dəfə belə uzun gəmi səyahətinə çıxanlar onu nələrin gözləyəcəyi ilə bağlı narahatlığa düşə bilərlər. Bu bloqda Baku Holiday Travel sizə heyrətamiz kruiz təcrübəsinə sahib olmaq və kruiz turunu planlaşdırarkən nələrə fikir veməli olduğunuz haqqında bəzi məsləhətlər verəcək.

Kruiz turu üçün lazım olan sənədlər

İlk növbədə müddəti bitməmiş və bitməsinə müəyyən olunmuş qədər vaxt qalmış xarici pasport. Kruiz turu ərzində səfər ediləcək liman şəhərlərindən asılı olaraq viza, əks halda gəmini tərk etməyə icazə verilməyə bilər. Lazım olan sənədlərdən digəri isə səyahət sığortasıdır.

Kruiz turları və lazım olan sənədlərlə bağlı buraya klikləyərk kruiz turları səhifəsinə keçə və peşəkar satış menecerlərimizdən məlumat ala bilərsiniz.

Kruiz xəttinin və gəminin seçimi

Kruiz turunu bron etməzdən əvvəl, istəklərinizə və büdcənizə uyğun olanı tapmaq üçün müxtəlif kruiz xətlərini və gəmiləri araşdırın. Bəzi kruiz gəmiləri dəbdəbəli şəraiti və gözəl yeməkləri ilə tanınır, digərləri isə daha çox ailəvi əyləncə və xidmətlərinə görə fərqlənir. Kruizinizi seçərkən kruiz marşrutu, səyahətin başlayacağı liman, kabin ölçüsü və ümumi atmosferi nəzərə alın.

Baqaj hazırlanması

Kruiz turuna götürəcəyiniz əşya və geyimlərə gəldikdə isə sizə ən lazımlı olanları götürməyə çalışın. Əksər kruiz gəmilərində camaşırxana xidməti olduğu üçün səyahətiniz zamanı paltarlarınızı asanlıqla yuyub təkrar istifadə edə bilərsiniz. Unutmamalı olunanlardan isə rahat ayaqqabılar, günəş kremi, çimərlik paltarı və şapka götürdüyünüzə əmin olun. Ziyafət, rəsmi gecə və ya tədbirlər üçün uyğun geyimləri də unutmayın. Əgər dərman vasitəsi götürəcəksinizsə bunu öncədən maraqlanmağınız yaxşı olar.

Ekskursiyalarınızı və büdcənizi planlaşdırın

Bir çox kruiz gəmiləri limanlarda ekskursiyalar təklif edir ki, bunlara bələdçili turlar, su fəaliyyəti və mədəni təcrübələr daxildir. Nələr etmək istədiyinizi və gəmi səyahətinizə ayıracaq büdcənizi müəyyənləşdirmək üçün bunları öncədən araşdırmağınız, bəzən gəmidə yox daha öncədən bron etməyiniz məqsədəuyğundur.

Büdcənizi müəyyənləşdirərkən kruiz turunun nələri əhatə etdiyini də dəqiqləşdirməyi unutmayın. Bəzi kruiz turlarında içki, internet, liman xərcləri, ekskursiyalar kimi əlavə ödənişlər tur qiymətinə əlavə edilə bilər.

Kruiz turunuzu bu kimi məsələlərə vaxt ayırmadan, ən rahat və etibarlı şəkildə həyata keçirmək istəyirsinizsə Baku Holiday Travel-ın sizlər üçün hazırladığı kruiz turları ilə tanış olun. Buraya klikləyərək kruiz turları səhifəsinə keçid edin !

Kruiz gəmisi ilə tanışlıq

Kruiz gəmisi olduqca böyük ola və tam tanışlıq bir az vaxtınızı ala bilər. İlk gün gəmini araşdırmağa vaxt ayırın. Sizə ən lazımlı - yeməkxana və hovuz göyərtəsi kimi vacib sahələri tapın və marağınızı cəlb edəcək fəaliyyətlərin olduğu zonaları qeyd edin.

Əyləncələrdən xəbərdar olun və həzz alın

Kruiz gəmiləri canlı şoulardan və musiqidən tutmuş filmlərə və oyunlara qədər müxtəlif əyləncə variantları təklif edir. Səyahətiniz zamanı dincəlmək və əylənmək üçün bu fəaliyyətlərdən yararlanın.

Kruiz turu səyahət etmək üçün unikal və həyəcan dolu bir yoldur. Doğru planlama və hazırlıqla ilk kruiz turunuz heyrətamiz və daim xatırlayacağınız bir təcrübə ola bilər.

Buraya klikləyərək kruiz turları səhifəsinə keçid edin.

Barselona Turları

Turlar 2023