Şengen vizası haqqında

Demək olar ki, hamımız Şengen vizası haqqında eşitmiş, bəzilərimiz isə bu vizanı əldə etmişik. Bu viza ilə Avropa səyahəti isə təbii ki, çoxlarının arzusudur. Bəs Şengen vizası nədir və hansı üstünlükləri var?

Əslində Şengen Qərbi Avropada yerləşən Lüksemburq Hersoqluğunun kiçik bir şəhəridir. Bu qədər tanınan ad olmasına səbəb isə 1985-ci ildə bir neçə Avropa ölkəsinin burada imzaladıqları Sengen Müqaviləsidir. Bu müqaviləyə əsasən Sengen zonasına daxil olan 27 Avropa ölkəsi sərhəd yoxlanışı tələb etmir və səyahətçilər vahid ölkə prinsipi ilə hərəkət edə bilirlər ki, bu vahid zona da dünyanın ən böyük azad səyahət bölgəsidir.

Qısaca, Sengen vizası, bir şəxsə turizm və ya biznes məqsədləri üçün 90 günə qədər Şengen Bölgəsinin hər hansı üzv ölkəsinə səyahət imkanı verən qısamüddətli vizadır. Bu müddətdən artıq Avropa ərazində qalmaq istədikdə isə siz hər hansı Avropa ölkəsinin milli vizasına müraciət etməlisiz.

Kimlər Şengen vizası almalıdır?

Sengen Zonası üzv dövlətləriylə sərbəst-viza müqaviləsi olmayan digər ölkə vətəndaşları Avropa ərazisinə daxil olmazdan əvvəl Şengen vizası əldə etməlidirlər. Bu ölkələr arasında Azərbaycan da var.

Şengen Vizası üçün lazım olan sənədlər hansılardır?

· Xarici pasport (Son 10 ildə verilmiş, planlaşdırılmış dönüş tarixindən əz azı 3 ay qüvvədə və 2 səhifəsi boş olan pasport.)

· Gediş və dönüş biletlərinin bronu

· İşlədiyiniz müəssisədən, əgər tələbəsinizsə oxuduğunuz təhsil müəssisəsindən arayış

· Səyahət xərclərinin ödənəcəyinin sübutu və ya bankdan arayış

· Otel reservasiyası və ya dəvət məktubu

· Səyahət sığortası

· Şəkil 3.5×4.5 sm

· Hazır ərizə forması

· Şəxsiyyəti təsdiq edən sənədin və xarici passportun kopyası

Şengen vizasına nə zaman müraciət etməli?

Vizaya müraciət səfərdən 6 ay əvvəldən təqdim edilə bilər. Ən gec müraciət isə səfərin başlanmasından 15 təqvim günü əvvəl olmalıdır. Əsaslandırılmış xüsusi təcili hallar olarsa səfirlik səfərin başlanmasına 15 təqvim günündən az vaxt qaldıqda viza ərizəsi qəbul edə bilər.

Bəzən viza prosesini sürətləndirmək və daha rahat həll etmək üçün peşəkar dəstəyə ehtiyac yarana bilər.

*2227 qısa nömrəsi ilə əlaqə saxlayaraq Baku Holiday Travel şirkətinin peşəkar viza dəstəyi xidmətindən yararlana və səyahətinizi asanlaşdıra bilərsiniz.

Tourism news