Türkiyədə istirahət
Türkiyədə istirahət

Beynəlxalq Turizm Təşkilatının məlumatına əsasən Türkiyə dünyada ən çox turist qəbul edən ölkələr siyahısında 6-cı yerdədir. Buna səbəb Türkiyənin qonaqpərvər olması və ilin hər fəslində qonaqlarına gözəl anlar yaşatmaq üçün turizin müxtəlif sahələri üzrə xidmətlər təqdim etməsidir.

Azərbaycan vətəndaşlarının da ən çox səyahət etdiyi ölkə olan Türkiyə yay üçün ayrı, qış üçün ayrı gözəlliklər təklif edir. Azərbaycandan Türkiyəyə təyyarə ilə və avtobusla turlar həyata keçirilir. Bundan əlavə insanlar fərdi olaraq öz avtomobilləri ilə Türkiyəyə səyahət edirlər.
--------
Türkiyənin əsas turistik şəhərləri və bölgələri ilə bu məqaləmizdə tanış ola bilərsiniz.
- Əzəmətli və tarixi İstanbul.
Türkiyənin əsas şəhəri olan İstanbul Avropa və Asiya qitələrində yerləşib Bosfor boğazı ilə 2-yə bölünür. Hər 2 qitənin mədəniyyətlərinin qovuşduğu və ahəng şəkildə mövcud olduğu İstanbulda turistlər çimərlik, dini, tarixi və mədəni, sağlamlıq və digər turizm növləri üzrə səfərlərini dəyərləndirə bilərlər. İstanbul haqqında olan məqaləmizdə səhərin gəzməli görməli yerləri haqqında ətraflı məlumat ala bilərsiniz.


- Yayın əvəzolunmazı Antalya.
Mavi bayraqlı çimərliklər, ekonomdan ən lüks sinifədək otellər, füsunkar təbiət, hər yaşa uyğun əyləncələri ilə hər il yüz minlərlər turisti özünə cəlb edən Türkiyənin Antalya əyaləti 19 şəhərdən ibarətdir. Alanya, Kemer, Kepez, Belek, Kaş və digər şəhərlərin hər biri öz özəllikləri ilə turistləri özünə cəlb edir.
Burada hər kəs özünə uyğun əyləncələr tapa bilər. Çimərlik istirahəti, dayving, tarixi məkanlara gəzintilər, təbiət qoynunda eko tur, şopinq və digər əylənələrə görə turistlərə Antalyaya təkrar və təkrar gəlmək istəyirlər. Antalyanın gəzməli-görməli yerləri ilə bağlı məlumat üçün bura tıklayın.
P.S. Turistləri Antalyada ən sevdikləri şeylərdən biri də, dünyanın başqa heç bir yerində olmayan otellərdəki ALL İNCLUSİVE/ULTRA ALL İNCLUSİVE (Hər şey daxil) qidalanmadır.


- Muğla və Ölüdəniz bölgəsi.
Antalyadan danışmışkən Bodrum, Kuşadası, Marmaris, Fethiye və Çeşmedən bəhs etməmək olmaz. Hər biri özünəməxsus gözəllikləri ilə turistlərin sevimli məkanlarıdır. Gecə boyunca sürən “party”lər, füsunkar meşələrin dənizlə qovuşduğu məkanlar, lüks otellər turistləri maqnit kimi özünə cəlb edir.

- Türkiyənin nağıllar aləmi Kappadokiya
Adının mənası “Gözəl atlar diyarı” olan Kappadokiya başda Nevşehir olmaqla, Kırşehir, Niğde, Aksaray və Kayseri əyalətləri birləşdirən 250 kv.metrlik bir bölgədir. Tarixi ən qədim dövrünədək uzanır və açıq səma altında muzey hesab edilir. Qayaların daxiindəki məbədlər, evlər, otellər və bu gözəlliklərə hava balonları ilə səmadan baxış imkanı turistləri dünyanın hər yerindən özünə cəlb edir. Əsas turistik məkanları Uçhisar, Göreme, Avanos, Ürgüp, Derinkuyu, Kaymaklı və Ihlaradır.


- Bəmbəyaz Pamukkale.
Türkiyənin Dənizli əyalətində yerləşən Pamukkaleni termal sularlı SPA mərkəzi adlandırmaq olar. 1988-ci ildən UNESCO-nun Ümumdünya İrsi siyahısına salınmış Pamukkale bəyaz travertin ilə bugün də göz qamaşdırır. Buranın suları ürək, damar sərtliyi, dəri, göz, revmatizma və sinir sisteminə yaxşı təsir etdiyi bildirilir.
Onu da qeyd etmək istərdik ki, Pamukkalenin travertin olan hissəsində ayaqqabı və tərlik ilə gəzmək qadağandır. İstəyənlər çimrlik geyimi ilə gəlib mineral sularlı gölməçələrdə istirahət edə bilərlər.


- Qaradənizin incisi Trabzon.
Füsunkar təbiəti ilə baş döndürən gözəlliklərə sahib Trabzon eko turizmi sevənlərin üstünlük verdikləri bölgədir. Qaradəniz sahili, Uzungölü, yaylaları, ləziz təamları və qonaqpərvər insanları ilə turistlərin ən sevimli bölgəsidir. Ölkəmizdən Tranzona və ona yaxın əyalətlərə əsasən avtobuslar ilə qrup turları təşkil edilir və buranın ən gözəl məkanlarına ekskursiyalar həyata keçirilir.


- Uludağ yüksəkliklərində.
Qışda qardan, yayda piknikdən doymayacaqsınız. Türkiyənin əsas Qış Turizm bölgəsi Bursada – şəhərdən 36 km aralıda yerləşmişdir. Xizək keyfi, əyləncələri, Yeni İl şənlikləri və komforlu istirahət üçün dünyanın 4 tərəfindən turistlər bura axın edir. Uludağda yerləşən otel turistlərə üstün xidmət və komfortlu istirahət bəxş edir.


- Termal paytaxt Afyonkarahisar.
Bizans dövründən mülicəvi effektinə görə insanların rəğbətini qazanmış Afyonkarahisarın termal bölgəsi ilin 4 fəslində xidmət göstərir. Burada mineral sular, palçıq vannaları və effektiv müalicə prosedurları ilə bir çox müalicə mərkəzləri fəaliyyət göstərir.


- Yalova müalicəsi
Türkiyənin - Marmara bölgəsinin ən məşhur isti su qaynaqlarından olan Yalova revmatizma müalicəsinə kömək edir.
-------------------
Türkiyəyə səyahət etmək istəyirsinizsə ilk öncə bizimlə əlaqə saxlayın. Bizim peşəkar tur menecerlərimiz səyahətdən maksimum zövq almağınızı təşkil edəcəklər.

32