Dubayın 10 gəzməli yerləri
Dubayın 10 gəzməli yerləri

Dubay sarsılmaz şərq ənənələrinin qabaqcıl memarlıq və infrastrukturu ilə ahəngdar şəkildə birləşdirən heyrətamiz şəhərdir. Futuristik metropol, "Qumdakı ərəb möcüzəsi" dünyanın heyrətamiz möcüzələrini əvvəlcədən görmək, çimərliklərdə birinci dərəcəli tətil keçirmək, unikal ticarət mərkəzlərini - alış-veriş cənnətini görmək istəyən yüz minlərlə turisti daim cəlb edir. 

Bu məqaləmizdə Dubayın turistik məkanları haqqında bəhs edəcəyik.
Dünyada insanın yaratdığı “Ən”lərin harda yerləşir dedikdə ağıla ilk Dubay gəlir. Ən hündür bina, ən böyük Mall, ən böyük süni arxipelaqlar və s. Beləliklə buyurun tanış olun:
1. SƏMANI DƏLƏN BURJ KHALIFA.
Burj Xəlifə Qülləsi 828 metr hündürlüyü ilə Dubayın üstündən qalxaraq, yerin aşağı atmosferinin sərhəddinə yaxınlaşır. İnşası altı il çəkmiş və demək olar ki, 1,5 milyard dollara başa gəlmişdir. Hətta Dubay kimi zəngin bir əmirlik bu layihəni təkbaşına maliyyələşdirə bilmədi və qonşu Abu Dabidən köməklik alıb. Nəhəng binanın içərisində yaşayış mənzilləri, otel, ofislər və ticarət mərkəzləri var. Dünyada ən yüksək hündürlükdə yerləşən restoranı “At.Mosphere” elə burada 122-ci mərtəbədə (təxminən yerdən 495 metr yüksəklikdə) yerləşmişdir.
Maraqlı məlumat: Binaya daxil olan hava təkcə soyudulmur, həmdə Bürc Xəlifə üçün xüsusi hazırlanmış ətirlə ətirlənir.

2. RƏQS EDƏN MUSİQİLİ FƏVVARƏ
Burj Khalifa göydələninin yaxınlığında 12 hektarlıq süni göldə yerləşən fəvvarə dünyanın ən böyük rəngli Musiqi fəvvarəsidir. Fontan Uitni Hyuston, Andrea Bocelli mahnıları və məşhur ərəb musiqiləri altında sayrışan rəngarəng işıqları ilə rəqs edir. Dubaya səyahət edə hər bir turist su, musiqi və işıqların ahəngi ilə əmələ gələn baş döndürən bu gözəlliyi seyr etməlidir.
Maraqlı məlumat: Fontan səniyədə 830 000 litr suyu havaya vurur və su şırnağı 150 metr yüksəkliyə qalxa bilir (Musiqidən asılıdır)

3. 24/7 GÖZƏL OLAN MARINA DUBAY.
Gündüzü ayrı, gecəsi ayrı cazibədar olan Marina Dubay şəhərin ən canlı rayonudur. Xüsusən gün batdıqda kanalı kularının üzərinə düşən binaların işıqları, Restoranlara toplaşan insanlar, liman boyu yırğalanan bəyaz yaxtalar bir maqnit kimi insanı özünə cəlb edir. Əlbətdəki burada turistlər darıxa bilməz. Biz sizə səyahətinizi unudulmaz edəcək bir neçə məsləhət vermək istərdik.
- Kanalda qayıqla gəzinti Marina Dubayla daha yaxından tanış olmaq üçün ən yaxşı yoldur. Rahat kreslolarda oturaraq sərinləşdirici içkilərlə gəzintilər unudulmaz olacaq.
- Yaxınlıqdakı çimərliklərdə günəşlənmək xüusən bzim qış fəslimizdə səyahət edənlər üçün əsl yay istirahəti yaşadacaq.
- Göydələnin yüksəkliyindən açılan mənzərəyə baxmaq keçmişdə qalıb. Amwaj Towerin damından – 170 metr yüksəklikdən başlayan Ziplayn ilə 1km-lik məsafəni saatda 60 km-a çatan sürətlə enmək əsl adrenalin yaşadacaq.
Maraqlı məlumat: Marina sözü tərcümədə Yaxt limanı mənasını verir. 2003-cü ildə inşası başlayan rayon tamamlandıqda dünyanın ən böyük yaxt limanı olması nəzərdə tutulur.

4. TİCARƏT MƏRKƏZİ DUBAI MALL
Şopoqoliklərin “cənnəti” – dünyanın ən böyük ticarət və əyləncı mərkəzi Dubay Mall Bürc Xəlifənin yaxınlığında yerləşir. 1 000 000 kvm əraziyə sahib olan Dubai Mallda dünyanın ən böyük qapalı qızıl bazarı Gold Souk, dünya bredlərinin maqazinləri olan “Moda adası” olmaqla bütünlükdə 1200-dən çox maqazin yerləşmişdir. Sega Republik tematik parkı, Olimpik ölçüdə olan Buz meydançası və Böyük qız xizək mərkəzi Ski Dubai Mallın məşhur əyləncə məkanlarındandır. Ancaq Dubay Mallın əsas cazibədar məkanı əlbətdəki böyük aqvarium və sualtı zooparkdır ki, 33 000 dəniz canlısını özündə saxlayır.
Maraqlı məlumat: Dubay Malldan gözəl bir körpü ilə Old Town Island adasına keçə bilərsiniz və buradakı tərcüməsi “Dəniz bazarı” olan ərəb adət ənənələrinə sahib Souk Al Bahar bazarına gələ bilərsiniz.


5. BİHUŞEDİCİ ƏDVİYYAT BAZARI
Bir zamanlar Dubayın əsas ticarət mərkəzi olan Ədviyyat bazarı bugün də öz milli abu havası ilə əsl şərq bazarıdır. Müxtəlif ədviyyatlar, darçın çubuqları, zəfəran, zoğal toxumu, hibiskus ləçəkləri, otlar, köklər və quru meyvələr ətrafa insanı buhuş edən ətirlər yayır. Bu bazara baxmaqdan çox almağa gəlirlər çünki burada məhsullar pərakəndə və topdan satılıki qiymətlərin aşağı olmasına səbəb olur.
Maraqlı məlumat: Ədviyyat bazarında məhsulların qiymətində razılaşmaq olar.

6. ÇİÇƏKLİ DUBAİ MİRACLE GARDEN
Möcüzə bağı ərazisinə görə ən böyük olmasa da 120 növdə 50 milyondan çox gül ilə dünyanın ən güllü bağıdır. Bağ rəsmi olaraq 2 rekordla Ginnesin rekordlar kitabına düşüb.
1. Güllərdən hazırlanmış original ölçülü Airbus A380 superjumbo tərtibatı
2. Mikki Mausun 18 metr hündürlüyündə və 35 ton ağırlığında olan heykəli 2018-ci ildə Ginnesin rekordlar kitabına qeyd edilib.
Maraqlı məlumat: Güllər Dubayın isti yayına dözmədikləri üçün bağ yay fəslində bağlı olur.

7. WİLD WADİ AQUAPARKI.
Bütün ailə ilə istirahət edə biləcəyiniz böyük bir su əyləncə parkı. Ərəbistan yarımadasında ən yaxşı su parkı hesab olunur. Wild Wadi Burj Khalifa Tower yaxınlığında Jumeirah şəhər yerində. Su parkı bütün ciddi təhlükəsizlik tələblərinə uyğun qurulmuş və ən müasir avadanlıqla təchiz edilmişdir. Buranın memarlıq konsepsiyası ərəb orta əsrləri üçün stilistika şəklində həyata keçirilir. Bura bütün ailənin birlikdə əylənərək unudulmaz anlar yaşayacağı məkandır.
Maraqlı məlumat: Aquaparka girişə yaş məhdudiyyəti olmamasına baxmayaraq boyu 110 sm-dan kiçik uşaqlar bəzi atraksionlara buraxmılmır.

8. QUMSAL SƏHRADA SAFARİ.
Dubayın ən maraqlı əyləncə növlərindən biri – yolsuzluq avtomobilləri ilə səhrada həyəcanlı ekskursiya turudur. Turun proqramı əsasən Hollivud filmlərində göründüyü kimi qızmar günəş altında, səhranın vəhşi təbiətinin aralığında sürətli hərəkət edilir. Axşam düşdündən sonra avtomobil karvanı yerlilərin kiçik kəndinə yollanır. Qədim ərəb abu-havası, ləziz təamlar və içkilər arasında turistlər özlərini nağıl personajı kimi hiss edirlər.
Maraqlı məlumat: İstəyə uyğun olaraq Royal, VİP, Lüks kimi safari növlərindən birini seçə bilərsiniz və hər biri özünəməxsus senarisi ilə turistərə nağıllardakı sultanların obrazını yaşadır.

9. TARİXİ BASTAKİYA RAYONU.
Bir zamanlar bu ərazidə varlı tacirlər və mirvari ovçuları yaşayırdı. Bu gün burada XIX-XX əsrlərə aid, müasir kondisionerlərin əcdadları olan otaqları sərinləmək üçün istifadə olunan məşhur "külək qüllələri" olan evləri görə bilərsiniz. Bastakiyadakı tarixi binalardan Əl Fahidi Fort, Məclis qalareyasını və ilk Beyt əl-Vahil ofis binası var. Dubayın tarixi əraziləri ilə tanış olmaq istəyirsinizsə, Bestakia, Fort al Fahidi, Köhnə Bazar və digər maraqlı olan yerlərə ekskursiyaya getməyi məsləhət görürük.

10. DUBAY CIDIR MEYDANI.
“Ən”lər siyahısına aid biri daha – Dubayın Cıdır meydanı 6,2 kvkm-lik əraziyə sahib olmaqla dünyanın ən böyüyüdür. Giqant meydanda keçirilən ən böyük tədbir Dubayın Dünya Kuboku keçirdilir.
Maraqlı məlumat: Meydan ərazisində yerləşən oteldə qonaqlar öz otaqlarından at yarışlarını izləyə bilərlər.

69