Daha bir xarici əməkdaşlıq
Daha bir xarici əməkdaşlıq

Baku Holiday Travel Rusiyanın Rostov vilayəti ilə qarşılıqlı əməkdaşlıq müqaviləsi imzalamışdır.
------------------

Azərbaycan Rusiya ilə iqtisadi münasibətləri genişləndirir. Bununla əlaqədar 04.03.2020 tarixində Azərbaycan və Rusiyanın Rostov vilayəti arasında biznes forum keçirilmişdir.
Turizm əlaqələri də daxil olmaqla bir neçə sahə üzrə qarşılıqlı imzalar atılmışdır. Baku Holiday Travel bu biznes forumda iştirak edərək Rostov vilayətinin Turizm İnkişafı Agentliyi ilə turizm sahəsi üzrə qarşılıqlı əməkdaşlıq barədə müqavilə imzalamışdır.

------------------
Tədbirdə çıxış edən İqtisadiyyat naziri Mikayıl Cabbarov Azərbaycan və Rusiya prezidentlərinin siyasi iradəsi və birgə səylərinin ölkələrimiz arasında iqtisadi əməkdaşlığın genişlənməsi üçün möhkəm zəmin yaratdığını, bütün sahələrdə yüksələn xətt üzrə inkişaf edən Azərbaycan və Rusiya əlaqələrinin strateji səviyyədə olduğunu vurğulayıb.
------------------
Rusiya Federasiyasının Rostov vilayətinin qubernatoru Vasili Qolubev Azərbaycana səfərindən məmnunluğunu ifadə edib, işgüzar dairələrin iştirakı ilə keçirilən tədbirlərin, biznes forumların ikitərəfli münasibətlərin inkişafında əhəmiyyətini qeyd edib. Vasili Qolubev Rostov vilayətinin iqtisadi-investisiya imkanları barədə məlumat verib, Azərbaycanla əlaqələrin inkişafı, ticarət dövriyyəsinin artırılması üçün potensialı diqqətə çatdırıb.
------------------
Azərbaycanın Rusiyadakı səfiri Polad Bülbüloğlu və Rusiyanın Azərbaycandakı səfiri Mixail Boçarnikov siyasi münasibətlərin yüksək səviyyədə olduğunu vurğulayıb, qarşılıqlı səfərlərin və keçirilən görüşlərin Azərbaycan və Rusiya əlaqələrinin inkişafına verilən böyük önəmin göstəricisi olduğunu qeyd ediblər.



64