Aviabiletlərin ləğvi və dəyişdirilmə qaydaları
Aviabiletlərin ləğvi və dəyişdirilmə qaydaları

“Azərbaycan Hava Yolları” Qapalı Səhmdar Cəmiyyətinin və “Buta Airways” aviaşirkətinin bütün beynəlxalq reyslərinə rəsmiləşdirilən aviabiletlərin ləğvi və yenidən bronlaşdırılması qaydaları

Beynəlxalq Hava Nəqliyyatı Assosiasiyasının (İATA) 01 aprel 2020-ci il tarixili məktubunu və beynəlxalq aviaşirkətlərin təcrübəsini nəzərə alaraq, 01 aprel 2020-ci il tarixindən etibarən, “Azərbaycan Hava Yolları” Qapalı Səhmdar Cəmiyyətinin və “Buta Airways” aviaşirkətinin bütün beynəlxalq reyslərinə rəsmiləşdirilən aviabiletlər və həmçinin bütün əlavə xidmətlər üçün rəsmiləşdirilən EMD – lərin ləğvi və yenidən bronlaşdırılması üçün aşağıdakı tətbiq olunacaq qaydaları nəzərinizə çatdırırıq:

1. 10 Mart - 31 May 2020 tarixləri arasında yerine yetiriləcək uçuşlara rəsmilədirilən aviabiletlər və EMD-lər:

1.1. Aviabiletin ilk rəsmiləşdiriliyi tarixdən sonrakı növbəti 12 ay müddətində olan istənilən tarixə yalnız dəyişdirilə bilər.

1.2. Hər bir aviabilet cərimə tətbiq olunmadan 1 dəfə dəyişilə bilər (Rebooking).

1.3. Növbəti bütün dəyişikliklər, tarifin tətbiqi qaydalarına uyğun olaraq yerinə yetirilməlidir.

1.4. Marşrutun dəyişdirilməsi zamanı (rerouting) sərnişinin mövcud aviabileti üçün ödədiyi məbləğ çərçivəsində marşrutunun dəyişdirilməsinə icazə verilir.

1.5. Açıq tarixlə (Open date) rəsmiləşdirilən aviabiletlər üçün istifadə müddəti 31 May 2021-ci il tarixinə qədər uzadılır.

1.6. Bütün əməliyyatlar zamanı ilk aviabiletin xidmət sinifi saxlanılır.

2. 10 mart 2020-ci il tarixinə qədər və 31 may 2020-ci ildən sonraki uçuş tarixlərinə rəsmiləşdirilən aviabiletlərin və EMD-lərin ləğvi və dəyişdirilməsi (marşrutun dəyişdirilməsi daxil olmaqla) tarif qaydalarına uyğun olaraq həyata keçirilir.

16